"Zirə" Peşəkar Futbol Klubunda Müşahidə Şurası yaradılıb

"Zirə" Peşəkar Futbol Klubunda idarəçiliyin daha da təkmilləşdirilməsi və görüləcək işlərlə bağlı klubdaxili iclas keçirilib.

Klubdan Day.Az-a verilən məlumata görə, iclasda bir sıra mühüm məsələlər müzakirə olunub və klubun Müşahidə Şurasının yaradılması haqqında qərar qəbul edilib. "Zirə" Peşəkar Futbol Klubunun fəxri prezidenti Orxan Məmmədov klubun Müşahidə Şurasının sədri seçilib.

"AzFar Group" şirkətinin maliyyə direktoru Qabil Abdullayev, "Santral Elektrik" QSC-nin təsisçisi Fuad Rzayev, "Azərenerj" ASC-nin maliyyə departamentinin direktor müavini Fərid Cəfərov, veteran futbolçu Zaur Həşimov isə Müşahidə Şurasına üzv seçiliblər.