Azərbaycan vətəndaşları Türkiyədəki zəlzələ qurbanlarını anır - FOTO - VİDEO
Bu gün səhər saatlarından etibarən Azərbaycan vətəndaşları Türkiyənin Bakıdakı səfirliyinin qarşısına gəlirlər.
Day.Az xəbər verir ki, paytaxt sakinləri səfirliyin qarşısına Türkiyədəki zəlzələdə həlak olanların xatirəsinə hörmət olaraq gül dəstələri düzürlər.
Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
Zəlzələ nəticəsində ölənlərin sayı 3381 nəfərə çatıb, daha 20426 nəfər yaralanıb.
Baş verən təbii fəlakətlə əlaqədar Türkiyə 7 günlük matəm elan olunub.
Заметили ошибку в тексте? Выберите текст и сообщите нам, нажав Ctrl + Enter на клавиатуре
