Dəfn olunmuşdu, 30 il sonra kimliyi bilindi...

Birinci Qarabağ müharibəsinin daha bir şəhidi dəfn edilib.

Day.Az "Qafqazinfo"ya istinadən xəbər verir ki, I Qarabağ müharibəsində itkin düşmüş və şəxsiyyəti müəyyənləşdirilən şəhidlərdən olan Əliyev Ədalət ötən gün Tərtərdə torpağa tapşırılıb.

Şəhərdəki Şəhidlər abidə kompleksində şəhidlə vida mərasimi keçirilib.

Qeyd edək ki, Ədalət Əliyev I Qarabağ müharibəsində Kəlbəcər uğrunda gedən döyüşlərdə iştirak edib. 1994-cü ilin fevralında Kəlbəcərdə Murovdağ istiqamətində itkin düşmüş hesab olunurdu. O, naməlum şəhid kimi Gəncə şəhərindəki Şəhidlər xiyabanında dəfn olunmuşdu.