İnfarktdan əvvəl bədən bu siqnalları verə bilər
.jpg)
Mütəxəssislər bildirirlər ki, infarktın əsas əlamətlərindən biri güclü sinə ağrısıdır. Bu ağrı soyuq tər, nəfəs darlığı və ağrının qollara, çənəyə və kürəyə yayılması ilə müşayiət oluna bilər. Lakin bəzi insanlarda sinə ağrısı olmadan yalnız güclü yorğunluq, nəfəs darlığı və narahatlıq da yarana bilər.
Day.Az xəbər verir ki, kardioloqlar ürək sağlamlığını qorumaq üçün siqaretdən uzaq durmağı, sağlam qidalanmağı, müntəzəm fiziki aktivliyi, normal çəki və keyfiyyətli yuxunu tövsiyə edirlər.
Həmçinin arterial təzyiq, qan şəkəri və xolesterin səviyyəsinin mütəmadi nəzarətdə saxlanılması vacibdir.
Mütəxəssislərin sözlərinə görə, ürək ritmində ciddi pozuntular da həyati təhlükə yarada bilər. İnfarkt və ya ciddi ürək problemi əlamətləri yarandıqda vaxt itirmədən təcili tibbi yardıma müraciət etmək tövsiyə olunur.
Заметили ошибку в тексте? Выберите текст и сообщите нам, нажав Ctrl + Enter на клавиатуре
