Yaşa görə orta aylıq pensiya nə qədər artırılacaq?

2025-ci il yanvarın 1-nə orta aylıq pensiya 497 manat, o cümlədən yaşa görə ortaaylıq pensiya 537 manat təşkil edib.

Day.Az xəbər verir ki, bu barədə Dövlət Sosial Müdafiə Fondunun sədri Himalay Məmişovun Prezident İlham Əliyevin yeni Sərəncamı ilə pensiyaların indeksləşdirilərək artırılmasına dair keçirdiyi mətbuat konfransında məlumat verilib.

Bildirilib ki, yeni Sərəncamla pensiyaların indeksləşdirilərək artırılması nəticəsində orta aylıq pensiya məbləği ilkin məlumata əsasən, 497 manatdan 537 manata, o cümlədən yaşa görə orta aylıq pensiyanın məbləği 537 manatdan 573 manata çatır.