İranın Azərbaycanla müxtəlif sahələrdə təcrübə mübadiləsi aparmaq imkanı var – Pezeşkian
İranın Azərbaycanla müxtəlif sahələrdə təcrübə mübadiləsi aparmaq, bazar imkanlarından istifadə etmək və qarşılıqlı əlaqələri inkişaf etdirmək imkanı var.
Day.Az AZƏRTAC-a istinadən bildirir ki, bu sözləri İran Prezidenti Məsud Pezeşkian Azərbaycan Prezidenti İlham Əliyev ilə mətbuata bəyanatında deyib.
"Biz birlikdə regionda sülhü, sabitliyi və təhlükəsizliyi gücləndirə bilərik. Biz birlikdə mövcud problemlərin həlli yollarını tapa bilirik. Əminəm ki, İslam dünyasının qüdrətli potensialı, qardaşlıq və bacılıq əlaqələrini gücləndirməklə, bir-birimizin ərazi bütövlüyünə hörmət etməklə, mənəvi dəyərlərimizə və adət-ənənələrimizə hörmətlə yanaşmaqla, biz əldə edilmiş fikirlər və vahid baxış əsasən bütün sahələrdə möhkəm əməkdaşlıq qura biləcəyik" - o bildirib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
