Quru meyvələrin gizli təhlükəsi: Həkim xəbərdarlıq etdi
Quru meyvələr vitamin, mineral və sellüloza ilə zəngin olsa da, onların həddindən artıq istehlakı tövsiyə edilmir.
Day.Az xəbər verir ki, qurutma zamanı su buxarlandığı üçün meyvələrdə təbii şəkər və kalori daha yüksək konsentrasiyada olur. Bu isə xüsusilə paketdən birbaşa yeyildikdə gündəlik kalori normasının aşılmasına səbəb ola bilər.
Həkim-qastroenteroloq Yekaterina Kaşux quru meyvələri, o cümlədən gavalı qurusunu normada qəbul etməyi məsləhət görür. Həddindən artıq istehlak mədə və bağırsaqlarda şişkinlik, qaz, qurultu və yumşalmaya səbəb ola bilər. Gavalı qurusunda olan sorbitol isə işlədici təsir göstərə bilər.
Mütəxəssisin sözlərinə görə, quru meyvələri şirniyyatın tamamilə sağlam alternativi kimi qəbul etmək düzgün deyil. Onları kiçik porsiyalarla, cəmi bir neçə ədəd olmaqla qəbul etmək daha məqsədəuyğundur.
Заметили ошибку в тексте? Выберите текст и сообщите нам, нажав Ctrl + Enter на клавиатуре
