Dişləri neçə dəqiqə fırçalamaq lazımdır?
Stomatoloq Artyom Koryakinin sözlərinə görə, dişləri 2-3 dəqiqə fırçalamaq diş ərpinin effektiv təmizlənməsi üçün vacibdir.
Day.Az xəbər verir ki,30-60 saniyəlik fırçalama zamanı isə əsasən görünən çirklər təmizlənir, dişlərarası və çətin əlçatan sahələrdə ərp qala bilər.
Həkim bildirib ki, diş ərpi bakteriyalardan ibarət təbəqədir və vaxtında təmizlənmədikdə kariyes və diş əti xəstəlikləri riskini artıra bilər. Dişlərin gündə iki dəfə, xüsusilə yatmazdan əvvəl fırçalanması tövsiyə olunur.
Mexaniki fırçalama ərpin hamısını aradan qaldırmadığı üçün diş aralarının diş sapı və ya xüsusi interdental fırçalarla təmizlənməsi də əhəmiyyətlidir. Uzunmüddətli ağız sağlamlığı üçün düzgün texnika ilə müntəzəm təmizlik əsas şərtlərdən biridir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
