Qabıqlı qozun kiflənməsinin və acılaşmasının qarşısını belə alın
Qabıqlı qozun uzun müddət keyfiyyətini qoruması üçün ilk növbədə düzgün qurudulması vacibdir. Yaş qabıq tam təmizləndikdən sonra qozlar birbaşa günəş şüalarından uzaq, kölgəli və havadar yerdə saxlanılaraq tam qurudulmalıdır. Nəmli qozun qapalı yerdə saxlanması kiflənməyə səbəb ola bilər.
Day.Az xəbər verir ki, saxlama zamanı plastik paket və hava keçirməyən qablardan istifadə etməkdənsə, hava dövranını təmin edən tor və ya parça çuvallara üstünlük vermək məsləhətdir. Qozlar sərin, quru və qaranlıq yerdə, mümkün qədər döşəmədən aralı, rəf və ya taxta palet üzərində saxlanılmalıdır. Yüksək temperatur və rütubət qozun tərkibindəki yağların keyfiyyətini pisləşdirərək acılaşmaya səbəb ola bilər.
Az miqdarda qozu isə soyuducuda və ya dondurucuda saxlamaq mümkündür. Bunun üçün qozlar əvvəlcə tam qurudulmalı, daha sonra hava keçirməyən paketlərə yerləşdirilməlidir. Aşağı temperatur qozun yağlarının oksidləşməsini və dadının acılaşmasını əhəmiyyətli dərəcədə yavaşladaraq onun daha uzun müddət təzə qalmasına kömək edir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
