Prezident İlham Əliyev və Nikol Paşinyan Türkmənbaşıda qeyri-rəsmi söhbət ediblər
Azərbaycan Prezidenti İlham Əliyev və Ermənistanın Baş naziri Nikol Paşinyan Türkmənistanın Türkmənbaşı şəhərində Azərbaycan və Mərkəzi Asiya dövlət başçılarının 8-ci Məşvərət görüşünün yekunlarına əsasən təşkil olunan konsert proqramı zamanı qeyri-rəsmi söhbət ediblər.
Day.Az Trend-ə istinadən xəbər verir ki, liderlər eyni masada yanaşı əyləşiblər.
Qeyd edək ki, Azərbaycan və Mərkəzi Asiya dövlət başçılarının 8-ci Məşvərət görüşü 8 oktyabr 2026-cı ildə Türkmənistanın Türkmənbaşı şəhərində yerləşən "Avaza" milli turizm zonasında keçirilib. Bu, 2025-ci ilin noyabrında Daşkənddə keçirilən sammitdə Azərbaycanın bu formatda tamhüquqlu iştirakına dair qərarın qəbul edilməsindən sonra yenilənmiş formatda keçirilən ilk tammiqyaslı görüş olub.
Görüş zamanı regional təhlükəsizlik, siyasi-diplomatik qarşılıqlı fəaliyyət, ticarət-iqtisadi əməkdaşlıq, energetika, nəqliyyat-logistika dəhlizləri, ekologiya və humanitar əlaqələr məsələləri müzakirə olunub. Sammitin yekunlarına əsasən, Azərbaycan və Mərkəzi Asiya dövlət başçılarının 8-ci Məşvərət görüşünün Birgə Bəyanatı, həmçinin bu formatın normativ sənədləri ilə bağlı Qərar imzalanıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
