Azərbaycanlı jurnalist yol qəzasında həlak oldu - YENİLƏNİB
Day.Az представляет новость на азербайджанском языке
----------
20:50
"Həftə içi" qəzetinin əməkdaşı, bölgə müxbiri Məmmədli Səxavət Musa oğlu bu gün Şirvan şəhərində baş vermiş yol qəzasında dünyasını dəyişib.
Day.Az hafta.az-a istinadla bildirir ki, hadisə Şirvan şəhəri Heydər Əliyev prospektində yaşanıb. SOCAR-a məxsus, 90 JS 409 dövlət nömrə nişanlı avtobus yolu keçən zaman əməkdaşımızı vurub. Xəstəxanaya çatdırılan S. Məmmədli orada dünyasını dəyişib. Qeyd edək ki, 1956-cı il təvəllüdlü S. Məmmədli uzun illər ölkənin bir çox tanınmış mətbuat orqanlarında jurnalist kimi fəaliyyət göstərib. Bu illər ərzində çoxsaylı diplom və mükafatlara layiq görülüb.
----------
19:04
Şirvan şəhərində piyadanın ölümü ilə nəticələnən yol qəzası baş verib.
Day.Az APA-ya istinadən xəbər verir ki, Şirvan şəhəri Heydəri Əliyev prospektində, SOCAR-a məxsus, 90 JS 409 dövlət nömrə nişanlı avtobus yolu keçən Qazax rayon sakini, 1956-cı il təvəllüdlü Məmmədli Səxavət Musa oğlunu vurub.
Xəstəxanaya çatdırılan S. Məmmədli orada dünyasını dəyişib.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
