Sərnişin avtobusu 7 maşına çırpıldı - yaralılar var - FOTO
Türkiyənin Çorum vilayətində avtobusun 7 nəqliyyat vasitəsinə çırpılması nəticəsində 9 nəfər xəsarət alıb.
Day.Az Avtosfer.az-a istinadla xəbər verir ki, insident iyunun 6-sı Yaydiğin qovşağında qeydə alınıb.
Məlumat görə, Samsundan Ankara istiqamətində hərəkətdə olan 34 DH 2090 dövlət qeydiyyat nişanlı sərnişin avtobusu yolun yağışlı və sürüşkən olması səbəbindən idarəetmədən çıxaraq işıqforun qırmızı işığında gözləyən 7 nəqliyyat vasitəsinə çırpılıb. Qəzada 9 nəfər xəsarət alıb.
Ətrafdakı insanların xəbər verməsi ilə hadisə yerinə xeyli sayda polis, səhiyyə və yanğınsöndürmə briqadaları gəlib.
Yaralılara ilkin tibbi yardım göstərildikdən sonra xəstəxanalara aparılıblar.
Polis qəza ilə bağlı araşdırmalara başlayıb.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
