İcarəyə götürdüyü DVD-nin içərisindən - Pul və məktub çıxdı

Day.Az представляет новость на азербайджанском языке

ABŞ-da yaşayan bir qadın icarəyə götürdüyü DVD diskin daxilində 20 dollarlıq əskinazlar və naməlum adamdan məktub aşkar edib.

"Qafqazinfo" "technote"yə istinadən xəbər verir ki, bu barədə qadının qızı öz Twitter hesabında bildirib.

Qızın sözlərinə görə, anası dincəlmək üçün "Deepwater Horizon" filminin DVD diskini icarəyə götürüb.  Bu zaman qadın DVD diskin içərisində 100 dollar pul və Marcos adlı şəxsin adından yazılmış məktub tapıb. "Əsasən özümə xərclədiyim 100 dolları hər ay kiməsə yardım etmək üçün verirəm. Bu dəfə mən pulu, DVD disk qutusunun içərisinə qoymağı qərara aldım. 2017-ci ildə siz ilk insansınız",-deyə məktubda qeyd olunub.

Məktubun sonunda Marcos, pulun ağıl ilə xərclənməsini və ya ehtiyaclarının olmadığı halda başqa birinə vermələrini xahiş edib.

"Çox sağol Marcos. Harda olduğundan asılı olmayaraq Tanrı səni qorusun" - deyə qadının qızı, sosial şəbəkədə öz təşəkkürünü bildirib. Onun tviti isə 4 gün ərzində 95.000 like və 31.000 "retweet" alıb. Postu görmüş digər istifadəçilər də Marcos adlı naməlum şəxsə, sosial şəbəkə vasitəsilə təşəkkürlərini bildiriblər.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.