Növbəti mərhələdə Bakı İrəvandan ərazi bütövlüyünə dair iddiaların konstitusiya dəyişikliyi yolu ilə aradan qaldırmasını gözləyir - Ceyhun Bayramov
Növbəti mərhələdə Bakı İrəvandan ərazi bütövlüyünə dair iddiaların konstitusiya dəyişikliyi yolu ilə aradan qaldırmasını gözləyir.
Day.Az xəbər verir ki, bunu Azərbaycan Respublikasının xarici işlər naziri Ceyhun Bayramov XII Qlobal Bakı Forumu çərçivəsində jurnalistlərə açıqlamasında deyib.
"Növbəti addım olaraq Azərbaycan tərəfinin gözləntisi ondan ibarətdir ki, Ermənistan konstitusiyasında və digər normativ hüquqi aktlarda Azərbaycanın ərazi bütövlüyü və suverenliyinə dair qalan iddiaların konstitusiya dəyişikliyi yolu ilə aradan qaldırılması baş tutsun", - o bildirib.
Onun sözlərinə görə, keçmiş münaqişənin qalıqları olan Minsk Qrupu və onun digər techizatlarının da ləğv olunması vacib amildir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
