Paytaxt sakinləri qan verirlər

Day.Az представляет новость на азербайджанском языке

Paytaxt sakinləri kütləvi şəkildə Ceyhun Səlimov küçəsində (keçmiş Papanin) yerləşən hərbi hospitala axın edərək könüllü şəkildə qan verirlər.

Day.Az musavat.com-a istinadən bildirir ki, kampaniyada iştirak edən şəxslər bildirirlər ki, bu barədə müvafiq anonsdan xəbəri olan insanlar bu aksiyanı hərbçilərə dəstək üçün keçirirlər. Qeyd edək ki, sosial şəbəkə iştirakçılarından biri Facebook-da elan yazaraq yaralanmış əsgərə mənfi reuslu qan lazım olduğunu bildirib. Bundan sonra hospitala kütləvi axın başlayıb.

Qeyd edək ki, Qarabağ cəbhəsində hərbi eskalasiyanın artması, döyüşlərin şiddətlənməsi və yaralıların olması səbəbindən əlavə qan ehtiyatına zərurət yara bilər. Ona görə də insanlar cəbhə üçün əllərindən gələn köməyi etməyə hazırdırlar.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.