Dünyanın ən qlamur toyu oldu - FOTO

Azərbaycanca, 25 октября 2017 20:24 (UTC +04:00) 766

Day.Az представляет новость на азербайджанском языке

Braziliyanın Rio de Janeyro şəhərində "dünyanın ən qlamur toyu" adlandırılan toy mərasimi olub.

Milli.Az El Mundo-ya istinadən bildirir ki, İsa Məsihin nəhəng abidəsinin olduğu təpənin yamacında U2 qrupunun meneceri Qay Osiri və braziliyalı model, 39 yaşlı Mişel Alvis münasibətlərini rəsmiləşdiriblər.

2006-cı ildən bəri birlikdə yaşayan 45 yaşlı israilli iş adamı Q.Ozeri və M.Alvisin toyunda Bono, Eşton Kaçer, Madonna, Mettyu Makkonahi, Karen Elson, Ouen Uilson, Alişia Keys, Devid Arqette, Kris Rok, Cennifer Mayer, Pol Okenfold, Helena Kristiansen, rusiyalı milyarder Roman Abramoviçin sabiq xanımı Darya Jukova, Noel Qallaher, "Red Hot Chili Peppers" qrupu və başqaları iştirak ediblər.

ABŞ-ın Los-Anceles şəhərində yaşayan Qay Osiri və Mişel Alvisin 4 övladları (10 yaşlı Oliver, 8 yaşlı Mia, 5 yaşlı Levi və 3 yaşlı Cud) var.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.