Rusiyada azərbaycanlı vitse-admirala büst qoyulacaq - FOTO
Rusiyanın Baltiysk şəhərində azərbaycanlı vitse-admiral Həmid Qasımbəyovun büstünün qoyulması planlaşdırılır.
Day.Az oxu.az-a istinadla xəbər verir ki, bu məsələ Baltiysk şəhər dairəsi administrasiyasının rəhbəri Sergey Melnikovun bölgədəki Azərbaycan diasporunun rəhbəri Tofiq Rzayevlə görüşündə müzakirə edilib.
Büst 9 May - Qələbə Gününün 75-ci ildönümü ilə əlaqədar Çexov küçəsində quraşdırılacaq.
Qeyd edək ki, Həmid Həbib oğlu Qasımbəyov 1923-cü il mayın 3-də Naxçıvanda anadan olub.
O, Böyük Vətən müharibəsi veteranıdır. Baltiysk şəhərinin bərpası və inkişafına böyük töhfə verib.
Müxtəlif illərdə I dərəcəli Vətən müharibəsi ordeni, "Qırmızı Ulduz" ordenləri daxil olmaqla, 30-dan çox medalla təltif edilib.
H.Qasımbəyov 2005-ci il aprelin 22-də Bakıda vəfat edib.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
