Sürücülük vəsiqəsi olmadan avtomobil idarə etmək olar? - İZAH
Azərbaycan Respublikasının qanunvericiliyinə əsasən, ümumi istifadədə olan yollarda sürücülük hüququ (vəsiqəsi) olmadan maşın sürməyə icazə verən heç bir istisna və ya xüsusi qayda yoxdur.
İdarəetmə hüququ mütləq şəkildə tələb olunur və bu sənəd olmadan sükan arxasına keçmək birbaşa qanun pozuntusudur. Yeganə texniki istisna "Yol hərəkəti haqqında" Qanunun 78-ci maddəsinə uyğun olaraq, sürücülük məktəbində təlim keçən şəxslərin xüsusi ayrılmış sahələrdə və ya marşrutlarda, yanlarında sertifikatlı peşəkar təlimçi (təlim maşınında) olması şərtilə avtomobili idarə etməsidir. Bundan kənar hər hansı təcili və ya fövqəladə vəziyyətdə belə, vəsiqəsiz şəkildə ümumi yollara çıxmaq qadağandır.
Sürücülük vəsiqəsi olmadan nəqliyyat vasitəsini idarə etməyin hüquqi fəsadları İnzibati Xətalar Məcəlləsinin 332.2-ci maddəsi ilə tənzimlənir. Bu maddəyə əsasən, sürücülük hüququ olmayan şəxsin avtomobil idarə etməsinə görə 200 AZN məbləğində cərimə tətbiq olunur. Əgər şəxs bu xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törədərsə və ya sürücülük hüququ əvvəllər məhdudlaşdırılmış vəziyyətdə sükan arxasına keçərsə, cərimənin məbləği 400 AZN-ədək yüksəlir. Həmçinin qanunvericilik avtomobili vəsiqəsi olmayan şəxsə etibar edən nəqliyyat vasitəsinin sahibini də ciddi şəkildə cəzalandırır.
Nəsimi Ələsgərli
Заметили ошибку в тексте? Выберите текст и сообщите нам, нажав Ctrl + Enter на клавиатуре
