Tavuşdakı erməni hərbçilər birbaşa Azərbaycanla sərhəddə xidmət edir
![Tavuşdakı erməni hərbçilər birbaşa Azərbaycanla sərhəddə xidmət edir](https://img.day.az/2023/12/07/800x550/armenian_soldier_291221.jpg)
Tavuşdakı erməni hərbçilər birbaşa Azərbaycanla sərhəddə xidmət edir.
Day.Az xəbər verir ki, bu barədə Ermənistan ordusunun Baş Qərargah rəisi Edvard Asryan jurnalistlərə deyib.
O qeyd olunan istiqamətdə silahlı qüvvələrin bölmələrinin də olduğunu əlavə edib.
Qeyd edək ki, 15 may 2024-cü il tarixində Azərbaycan Respublikası və Ermənistan Respublikası arasında sərhəddə Komissiyaların növbəti 9-cu görüşü keçirilmiş, sözügedən Texniki Protokol razılaşdırılmış və bu barədə Komissiyaların müvafiq Protokolu imzalanıb.
Delimitasiya işləri nəticəsində 12,7 km uzunluğunda sərhəd xətti müəyyən edilmiş və bununla Azərbaycan Respublikasının Qazax rayonunun 4 kəndinin: Bağanıs Ayrım, Aşağı Əskipara, Xeyrımlı və Qızılhacılının ərazilərinin (6,5 km2) Azərbaycana qaytarılması təmin edilib.
Mayın 24-də Azərbaycan Respublikasının Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin əraziləri Azərbaycan Respublikası Dövlət Sərhəd Xidməti tərəfindən nəzarətə götürülüb.
Заметили ошибку в тексте? Выберите текст и сообщите нам, нажав Ctrl + Enter на клавиатуре