Gəncədə iki avtomobil toqquşdu - Xəsarət alanlar var

Gəncədə iki nəfərin xəsarət alması ilə nəticələnən yol-nəqliyyat hadisəsi baş verib.

Trend xəbər verir ki, "BMW X5" markalı minik avtomobili ilə "Hyundai Sonata" markalı minik avtomobili toqquşub.

Hadisə zamanı hər avtomobildən bir sərnişin olmaqla, iki nəfər xəsarət alıb.

 

Hadisə ilə bağlı TƏBİB-dən Trend-in sorğusuna cavab olaraq bildirilib ki, 08.02.2025-ci tarixində saat 13:10 radələrində 3 nəfər (1 qadın cinsli, 2 kişi cinsli) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunublar.

Hazırda müayinə və müalicələri davam etdirilir, vəziyyətləri orta ağır qiymətləndirilir.