Türk Hava Yollarının təyyarəsində nasazlıq yarandı,

Bu gün günorta saatlarında Türk Hava Yollarına məxsus təyyarənin Gəncədən Türkiyəyə olan uçuşu təxirə salınıb.

Day.Az xəbər verir ki, bu barədə Milli.Az-a sərnişinlər məlumat veriblər.

Sərnişinlərin sözlərinə görə, onları avtobusla Bakıya gətirirlər və növbəti uçuş gecə saat 4 təyin edilib.

"Avtobusla camaatı Bakıya gətirirlər və heç bir qidalanma və s. vermirlər. Uçuş da gecə saat 4-də olacaq".

Milli.Az-ln əldə etdiyi məlumata görə, "Turkish Airlines" aviaşirkəti tərəfindən İstanbul-Naxçıvan-Gəncə-İstanbul marşrutu üzrə uçuş həyata keçirilərkən, Naxçıvanda təyyarədə texniki nasazlıq yaranıb. Sərnişinlərin təhlükəsizliyini təmin etmək məqsədilə onlar Naxçıvandan Bakıya gətiriləcək və daha sonra aviaşirkətin Bakı-İstanbul reysi ilə təyinat nöqtəsinə yola salınacaq.