"Avrovision-2020" ləğv olundu

"Avrovision-2020" Beynəlxalq Musiqi Festivalı bu il keçirilməyəcək. Day.Az xəbər verir ki, bu barədə tədbirin təşkilatçıları rəsmi elan ediblər.

Təşkilatçılar belə üzücü qərarın sürətlə yayılan koronavirus səbəbindən qəbul edildiyini və hazırda yaranmış vəziyyətdə festivalın keçirilməsinin mümkün olmadığını qeyd ediblər.

Qeyd edək ki, "Avrovision-2020" mayın 12-16-da Rotterdamda keçirilməli idi.

Xatırladaq ki, 2019-cu ilin sonunda Çində başlayan koronavirus epidemiyası hazırda dünyanın 160-dan çox ölkəsini sarıb və bütün dünyada ümumilikdə bu virusa yoluxanların sayı 200 mini, ölənlərin sayı isə 8 mini keçib.