Texas parkında atışma baş verib - Yaralılar var

ABŞ-ın Texas ştatında, Fort-Uert şəhərində atışma baş verib.

Day.Az  Trend-ə istinadən xəbər verir ki, parkların birində baş vermiş atışma nəticəsində azı 5 nəfər xəsarət alıb.

Hadisə şahidlərinin sözlərinə görə, parkda həmin vaxt atəşfəşanlıq keçirilib. Qısa müddət sonra isə atışma baş verib.

Həmin vaxt parkda təxminən 600 nəfər olub. Polis hadisənin detalları ilə bağlı araşdırma aparır.