Rusiyada qeyri-iş günləri bitir - Putin xalqa müraciət etdi
Rusiyada mayın 12-dən etibarən qeyri-iş günləri başa çatır.
Day.Az APA-ya istinadən bildirir ki, bu barədə Rusiya prezidenti Vladimir Putin bu gün xalqa müraciətində bildirib.
Onun sözlərinə görə, bütün ölkə ərazisində koronavirus pandemiyası ilə əlaqədar tətbiq olunan qeyri-iş günlərinin müddəti sabahdan, yəni, mayın 12-dən etibarən bitir: "Lakin epidemiya ilə mübarizə bitmir. Vəziyyətin nisbətən əlverişli olduğu ərazilərdə belə epidemiya təhlükəsi qalır".
Qeyd edək ki, koronavirus pandemiyasının yayılması ilə əlaqədar Rusiyada mart ayının 28-dən aprelin 2-dək elan olunmuş qeyri-iş günlərinin sayı mərhələli şəkildə mayın 12-dək uzadılıb.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
