EMİN Rusiya və Qazaxıstan konsertlərinin tarixini dəyişdi

Azərbaycanın Xalq artisti Emin Ağalarov (EMİN) qastrol turu çərçivəsində yaz konsertlərinin tarixlərini dəyişib. Day.Az xəbər verir ki, bu barədə müğənninin saytında qeyd edilib.

Belə ki, onun Rusiyada - martın 28-ə təyin olunmuş İjevskdəki konserti oktyabrın 3-ə, martın 29-a təyin olunmuş Kazandakı konserti oktyabrın 4-ə, martın 30-a təyin olunmuş Samaradakı konserti isə oktyabrın 5-ə keçirilib.

Eləcə də Qazaxıstandakı konsertlərin vaxtı dəyişdirilib: Nur-Sultanda aprelin 10-a təyin edilmiş konsert oktyabrın 10-a, Alma-Atada aprelin 11-ə təyin edilmiş konsert isə oktyabrın 9-a keçirilib.

Xalq artistini saytında qeyd edilib ki, bütün biletlər həmin tarixə qədər etibarlıdır.