Azərbaycan Dövlət Akademik Filarmoniyası Koronavirusla Mübarizəyə Dəstək Fonduna ianə edib

Müslüm Maqomayev adına Azərbaycan Dövlət Akademik Filarmoniyası koronavirusla (COVİD-19) mübarizəyə dəstək kampaniyasına qoşulub.

Day.Az xəbər verir ki, Filarmoniyanın kollektivi Prezident İlham Əliyevin 19 mart 2020-ci il tarixli "Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında" Fərmanına əsasən yaradılmış Koronavirusla Mübarizəyə Dəstək Fonduna 5070 AZN ianə edib.

Filarmoniyanın direktoru Murad Adıgözəlzadə qeyd edib ki, bu addım müqəddəs Ramazan ayında atılıb və bu, həqiqətən yardıma ehtiyacı olan insanlar üçün lazımdır.