Koronavirus insan ömrünü nə qədər qısaldır? - Yeni araşdırma
Koronavirusa yoluxan insanlar potensial ömürlərindən 10-13 il vaxt itirirlər.
Day.Az "Qafqazinfo"-ya istinadən xəbər verir ki, belə bir nəticəyə şotland alimlər gəliblər. Qlazqo Universitetinin alimi David MakAllisterin araşdırmalarına görə, koronavirusa yoluxan pasiyentlərin bütün xroniki xəstəlikləri də nəzərə alınarsa, gələcək həyatlarından 10-13 il itirirlər. Bu səbəbdən Covid-19-un təsirlərini ciddiyə almaq lazımdır.
Araşdırmalara görə, koronavirusa yoluxmuş, ancaq heç bir xroniki xəstəliyi olmayanların da orta yaşam müddəti Covid-19 səbəbindən azalır.
Cinsiyyətə görə müqayisə olunduqda "itirilən illər" kişilərdə 13, qadınlarda 11-dir.
Qeyd edək ki, MakAllisterin araşdırması hələ ki müstəqil ekspert dəyərləndirməsindən keçməyib.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
