Koronavirusdan ölənlərdə ən çox bu vitamin çatışmır - Mütəxəssislər rəy hazırladı
Şərqi İngiltərə Universitetinin mütəxəssisləri koronavirusdan ölənlərin ortaq xüsusiyyətlərini araşdırıblar.
Day.Az baku.ws-ə istinadən xəbər verir ki, araşdırma nəticəsində koronavirusdan ölənlərin böyük əksəriyyətində D vitamini əksikliyi ortaya çıxıb.
20 fərqli ölkədə aparılan araşdırmalar nəticəsində hazırlanan rəydə qeyd edilib ki, bununla belə D vitamininin əksikliyi ölüm səbəbi olaraq qəbul edilməməlidir:
"D vitamini səviyyəsinin yüksəldilməsinin ölüm riskini aşağı salmasını söyləmək hələ tezdir", - deyə mütəxəssislər vurğulayıblar.
Araşdırmaçılar qeyd ediblər ki, karantin günləri olduğundan insanlar Günəş şüası qəbul edə bilmirlər və bu səbəbdən də D vitamini əksikliyi müşahidə edilir. Tövsiyə edilib ki, hər gün insan ən az 10 mikroqram D vitamini qəbul etməlidir.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
