“Kobra” Pərviz “Survivor”u tərk etsə də, koronavirusa görə Bakıya gəlməyəcək
![“Kobra” Pərviz “Survivor”u tərk etsə də, koronavirusa görə Bakıya gəlməyəcək](https://img.day.az/2020/04/08/800x550/4dd2873d84ca9d5699efa79ecfb25f35b5d0c3b8e6248aea6dpimgpsh_fullsize_distr.jpg)
"Pərviz Abdullayev ən azı mayın ortasınadək Dominikanda qalacaq. Ondan əvvəl "Survivor"dan çıxanlar da həmin ölkəni tərk etməyib. Onlar hamısı hoteldə qalır".
Bunu Oxu.Az-a "Kobra" ləqəbli kikboksçumuz Pərviz Abdullayevin şəxsi məşqçisi Mehman Umudov deyib.
O, dünən SMS səsverməsi ilə "Survivor" yarışını tərk etmiş Pərviz Abdullayevin Bakıya qayıtmayacağını bildirib:
"İndi heç bir ölkəyə uçuş yoxdur. Uçuş olsa, ABŞ-a, ordan da Türkiyəyə getməlidir. ABŞ bütün sərhədlərini xarici ölkələrin üzünə bağlayıb. Türkiyədə də karantinə alınacaq. Elə Dominikanda qalsa, yaxşıdır".
Qeyd edək ki, Şimali Amerika materikində - Karibyanı dəniz hövzəsi ölkəsi olan Dominikan Respublikasında 1956 nəfər koronavirusa yoluxub. Lakin həmin ölkədə hələlik ölüm faktı qeydə alınmayıb.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.