Madonnanın 3 yaxını eyni gündə öldü - Koronavirusa görə

Məşhur amerikalı müğənni Madonnaya 1 gün ərzində 3 itki üz verib.

Day.Az axşam.az-a istinadən bildirir ki, 61 yaşlı ifaçı İnstaqram səhifəsində ona yaxın olan şəxslərin koronavirusdan dünyasını dəyişdiyini bildirib:

"Son 24 saat ərzində mənim əmim oğlu, cangüdənimin qardaşı və mahnılarımı remiks edən Orlando Puerto COVİD-19 virusundan vəfat edib. Onları bir gün içində itirdim. Bu, mənim əhval-ruhiyyəmə pis təsir etdi".

Qeyd edək ki, Madonna koronavirusla mübarizəyə 1 milyon dollar pul bağışlayıb.