İsveçdə 22 yaşlı azərbaycanlı koronavirusdan vəfat etdi

İsveçdə azərbaycanlı gənc koronavirusdan vəfat edib.

Day.Az xəbər verir ki, bu barədə "Qafqazinfo"ya İsveç Azərbaycanlılarının Koordinasiya Şurasının üzvü Nadir Hollenbrand məlumat verib.

Onun sözlərinə görə, vəfat edən şəxs 22 yaşlı Salayev  Amin Etibar oğludur. Amin 27 gün xəstəxanada qalsa da, onun həyatını xilas etmək mümkün olmayıb.

Qeyd edək ki, əslən Bakıdan olan A.Salayev uzun müddətdir ailəsi ilə İsveçdə yaşayırdı. O, İsveçdə universitetin sonuncu kurs tələbəsi idi.