Polis əməliyyat keçirib, narkotacirlər saxlanılıb

Bakıda narkotik maddələrin qanunsuz dövriyyəsilə məşğul olan dəstə yaxalanıb.
Day.Az-ın məlumatına görə, hadisə paytaxtın Suraxanı rayonu ərazisində baş verib.
Suraxanı RPİ-nin 31-ci Polis Bölməsinin əməkdaşlarının keçirdiyi əməliyyat-axtarış tədbirləri nəticəsində Əmircan qəsəbə sakini, 1978-ci il təvəllüdlü N.Ağayev saxlanılıb.
Üzərinə baxış keçirilərkən ondan 2,136 qram marixuana, 1,328 qram heroin və 0, 293 qram metamfetamin aşkar edilib.
Əməliyyat zamanı N.Ağayevin mənzilinə baxış keçirilərkən onun tanışları 1991-ci il təvəllüdlü C.Ağayevdən 0,83 qram heroin, 1985-ci il təvəllüdlü T. Bünyatovdan isə 0,239 qram heroin aşkarlanıb.
Faktla bağlı araşdırmalar davam etdirilir.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.