Toy sahibinin evində oğurluq - İki il sonra tutuldu
Şəmkir rayonunda iki il əvvəl evdən oğurluq edən şəxs saxlanılıb.
DİN-in Mətbuat Xidmətinin Gəncə regional qrupundan Day.Az-a verilən məlumata görə, Şəmkir RPŞ əməkdaşları tərəfindən 2018-ci ilin noyabr ayında rayon ərazisindəki fərdi yaşayış evindən oğurluq edən şəxs müəyyən olunub.
Əvvəllər məhkum olunmuş rayon sakini, 39 yaşlı Anar Məmmədzadə Şəmkir ərazisindəki evlərin birindən 5000 manat dəyərində qızıl-zinət əşyaları, 300 manat dəyərində nağd pul, 1 ədəd televizor aparatını və 1 ədəd oyun avadanlığını oğurlayıb.
Saxlanılan şəxs ifadəsində zərərçəkənin övladına toy etməsini bildiyini və oğurluq hadisəsini həmin gün etdiyini bildirib.
Faktlarla bağlı araşdırmalar davam etdirilir.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
