Abşeronda qardaşların qaçırdığı avtomobil elektrik dirəyinə çırpılıb
Abşeron rayonunun Saray qəsəbəsi ərazisindən qaçırılmış avtomobil elektrik dirəyinə vurulmuş vəziyyətdə tapılıb.
Daxili İşlər Nazirliyinin Mətbuat xidmətindən Day.Az-a verilən məlumata görə, Abşeron RPŞ-yə Sumqayıt şəhər sakini İ.İbişlinin "QAZ-3110" markalı avtomobilinin mayın 2-də saat 22 radələrində Saray qəsəbəsi ərazisindən qaçırılması barədə məlumat daxil olub.
Təxirəsalınmaz əməliyyat-axtarış tədbirləri nəticəsində avtomobil həmin gün saat 23 radələrində qəsəbə ərazisində elektrik dirəyinə vurulmuş vəziyyətdə tapılıb, nəqliyyat vasitəsini qaçırmaqda şübhəli bilinənlər - qəsəbə sakinləri V.Ağalı və yeniyetmə qardaşı saxlanılıblar.
Araşdırma aparılır.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
