Çempionat bu tarixdə bərpa olunacaq

Koronavirus pandemiyası səbəbindən yarımçıq dayandırılan futbol üzrə Polşa çempionatının bərpa tarixi açıqlanıb.

Day.Az BakuPost.az-a istinadən xəbər verir ki, bu barədə Polşa Futbol İttifaqının rəsmi saytı məlumat yayıb.
Bildirilib ki, milli çempionat mayın 30-da qaldığı yerdən start götürəcək. Liqanın iyunun sonunda başa çatdırılacağı gözlənilir.

Bu müddət ərzində ikinci dövrənin digər matçlarının və pley-off qarşılaşmalarının keçiriləcəyi qeyd olunub. II liqanın isə iyunun 6-da bərpa olunacağı vurğulanıb.

Mayın 27-də Polşa kubokunun təxirə salınmış görüşləri oynanılacaq. Bundan sonra isə yarımfinal mərhələsinin püşkü atılacaq.

Qeyd edək ki, Polşa çempionatının oyunları martın 13-də dayandırılıb.