İspaniyada futbolçular koronavirusa görə kütləvi test ediləcək

İspaniya çempionatının nümayəndələri ilk iki divizion klubu həkimləri ilə görüş keçiriblər. Day.Az xəbər verir ki, görüşdə mövsümün başlanması müzakirə olunub.

Müzakirə olunan mövzular arasında futbolçuların istisnasız olaraq hamısının koronavirusa görə test olunması məsələsi də yer alıb.

Qəbul edilən qərara əsasən, aprelin 28-dən futbolçuların test olunmalarına başlanılacaq. Testlərin özəl şirkət tərəfindən həyata keçiriləcəyi bildirilir. Bundan sonra məşqlərin mayın ikinci həftəsindən etibarən başlanılması planlaşdırılır.