Koronavirusa yoluxan məşhur futbolçunun durumu ağırlaşdı - Reanimasiyadadı

Fransanın "Monpolye" futbol klubunun yarımmüdafiəçisi Cunior Sambia reanimasiyaya yerləşdirilib. Day.Az xəbər verir ki, bu barədə klubun rəsmi saytında məlumat verilib.

Məlumatda qeyd edilir ki, 23 yaşlı futbolçunun koronavirus testinin nəticəsi müsbət çıxdıqdan 3 gün sonra, tənəffüs sistemində ağırlaşmalar başlayıb. Bu səbəbdən idmançı reanimasiya şöbəsinə yerləşdirilib.

C.Sambia 2017-ci ildən bu klubda çıxış edir.

Son məlumata görə, Fransada koronavirusa yoluxanların sayı 159 mindən çox, ölənlərin sayı isə təxminən 21 min nəfər təşkil edir.