"Napoli" qiymətinə görə "Barselona" futbolçusu Umtitini almaqdan imtina edib
İtaliyanın "Napoli" futbol klubu İspaniyanın "Barselona" klubunun fransalı müdafiəçisi Samuel Umtitini qiymətinə görə almaqdan imtina etdi.
Day.Az Trend-ə istinadən verdiyi məlumata görə, "Barselona" fransız oyunçunun komandada qalmaq arzusunu dəfələrlə bildirməsinə baxmayaraq S.Umtitini transferə çıxarıb. Klubun maddi sıxıntı yaşadığı və müdafiəçinin satışından 50 milyon avro qazanmaq istədiyi qeyd olunur.
Koronavirus pandemiyası səbəbindən hazırda oyunçulara olan tələbat düşür, buna görə daha əvvəl 26 yaşlı oyunçuya maraq göstərən "Napoli" bu qiymətin həddindən artıq baha olduğunu düşünür.
Samuel Umtiti 2016-cı ildə "Barselonaya" fransız "Lion" klubundan keçib. Müdafiəçi Fransa Kuboku və Super Kubokunun sahibi, iki qat İspaniya çempionu, iki dəfə İspaniya Kuboku və Super Kubokunun qalibidir.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
