Futbol üzrə İngiltərə çempionatı iyun ayında davam etdirilə bilər
Futbol üzrə İngiltərə çempionatının 2019/20 müvsümünün oyunları iyunun 13-dən etibarən davam etdirilə bilər.
Day.Az Trend-ə istinadən xəbər verir ki, liqa rəhbərliyi turnirin davam etdirilməsi üçün hökumətdən icazə almağa çalışır.
Daha əvvəl bildirilib ki, əlverişli epidemioloji vəziyyətdə komandalar may ayında məşqə başlayacaq və matçlar iyunun 8-dən başlayacaq. Ancaq indi İngiltərə Premyer Liqasının klublarından bəziləri çempionatın iyunun 13-dən davam etdirilməsinin daha yaxşı olduğuna əmindirlər. Bu məsələnin müzakirə olunacağı ümumi liqanın iclası cümə günü keçiriləcək.
Qeyd edək ki, İngiltərə Premyer Liqası martın 13-ü koronavirus pandemiyası səbəbilə qeyri-müəyyən müddətə dayandırılıb.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
