Daha bir Dünya çempionatı koronavirusa görə təxirə düşdü

Koronavirus epidemiyası səbəbindən Yaponiyada daha bir mötəbər idman tədbiri təxirə salınıb. Bu, su idman növləri üzrə Dünya çempionatıdır. Day.Az xəbər verir ki, Beynəlxalq Üzgüçülük Federsiyası (FINA) Fukuokedə keçiriləcək Dünya çempionatının yeni tarixlərini açıqlayıb.

Daha öncə tədbir 2021-ci il iyulun 16-dan avqustun 1-dək keçirilməli idi. Yeni təqvimə əsasən isə, su idman növləri üzrə Dünya çempionatı 2022-ci il 13-19 may tarixlərində baş tutacaq.

Xatırladaq ki, su idman növləri üzrə Dünya çempionatı 2023-cü ildə Dohada, 2025-ci ildə isə Kazanda keçiriləcək.