13 italiyalı futbolçu koronavirusa yoluxub

İtaliyada 13 futbolçuda koronavirus aşkar edilib. Ölkənin futbol rəhbərliyi bu faktın mayda çempionatın bərpa olunmasına mane ola bilməsi ehtimalını istisna etməyib.

COVİD-19 "Fiorentina" (6 oyunçu), "Sampdoriya" (4  oyunçu) və "Milan" (3 oyunçu) klublarının futbolçularında aşkar edilib.

Xatırladaq ki, mayda İtaliyada futbol klublarının artıq məşqlərə başlamasına, bunun üçün bütün futbolçuların məcburi şəkildə koronavirus testi edilməsi barədə qərar verilib.