“Koronavirus testləri məhdud saydadır”

Amazon şirkətinin rəhbərliyi işçilərin koronavirusa yoluxub-yoluxmamasını yoxlayacaq.

Day.Az ted.az-a istinadən bildirir ki, bu məqsədlə yeni laboratoriya hazırlanacaq.

Məlumata əsasən, Amazona məxsus 50-dən çox müəsisədə yoluxma faktları qeydə alınıb.

"Təəssüf ki, bu gün COVID-19 testləri məhdud saydadır, qıtlıq içində yaşayırıq. Bununla əlaqədar öz işçilərimizi yoxlamaq üçün laboratoriya yaratmağı düşündük.

İlk laboratoriyamız üçün lazım olan avadanlıqları almağa başladıq, tezliklə qabaqcıl işçilərimizi yoxlamağı planlaşdırırıq", - deyə şirkətin bloqunda deyilir.