Avstraliyada koronavirus vaksininin könüllülər üzərində sınaqları başlayacaq

Avstraliyanın Pert şəhərində "Linear Clinical Research" tibb mərkəzi koronavirus vaksininin ilk kliniki sınaqları üçün müxtəlif yaş qrupundan könüllülərin cəlb olunduğunu elan edib.

Day.Az Trend-ə istinadən xəbər verir ki,"S-Trimer" vaksini Çində yerləşən "Clover Biopharmaceuticals" şirkəti tərəfindən yaradılıb.

Vaksinin istehsal olunmasında ABŞ, Böyük Britaniya və İsveçrədən mütəxəssislər iştirak edib.

Vaksin Avstraliyada uğurla sınaqdan keçiriləcəyi təqdirdə digər ölkələrdə də könüllülərin iştirakı ilə sınaqlar keçiriləcək.