Macarıstan pandemiya şəraitində məktəb məzunları üçün buraxılış imtahanları keçirir

Koronavirus pandemiyası Macarıstanda məktəb məzunları üçün buraxılış imtahanlarının keçirilməsinə mane olmayıb. Day.Az xəbər verir ki, karantin səbəbindən artıq həftələrdir distansion tədris keçən, eyni zamanda sərbəst hazırlaşan məzunlar müəyyən olunmuş günlərdə məktəblərə gəlirlər ki, attestat üçün imtahanlarda iştirak etsinlər.

İmtahana gələn hər kəsin hərarəti ölçülür, qoruyucu maska taxılması vacibdir, dezinfeksiya vasitələri paylanır və hər kəsin mütləq şəkildə 2 metrlik sosial məsafə gözləməsi məcburidir.