Ərəb Əmirliklərində göydələndəki yanğın söndürülüb - VİDEO
Birləşmiş Ərəb Əmirliklərinin şimal-qərbində Şarca şəhərində 49 mərtəbəli yaşayış binasında baş vermiş güclü yanğın söndürülüb.
Day.Az xəbər verir ki, yerli fövqəladə xidmət yanğın nəticəsində 12 nəfərin xəsarət aldığını, 2 nəfərin xəsarətlərinin ağır olduğu üçün xəstəxanaya yerləşdirildiyini qeyd edib. Hadisə nəticəsində ölən olmayıb.
Məlumata görə, aşağı mərtəbələrdə başlayan yanğın tez zamanda bütün binaya yayılıb. Yanğın yayılmamışdan öncə həmin binanın və ətrafdakı binaların sakinləri təxliyə edilib. Yuxarı mərtəbələrdə qalan şəxslərin axtarılması üçün dronlardan istifadə olunub.
Qəzanın hansı səbəbdən baş verməsi məlum deyil, araşdırma aparılır.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
