Ermənistanda 163 nəfər koronavirusa yoluxdu

Ermənistanda koronavirusa yoluxanların sayı 2 782 nəfərə çatıb.

Trend-in erməni KİV-lərinə istinadən məlumatına görə, son sutka ərzində 163 nəfərdə infeksiyaya yoluxma faktı aşkarlanıb.

Bu, indiyədək qeydə alınan ən yüksək gündəlik göstərici olub.

Bu günədək Ermənistanda 40 nəfər koronavirusun qurbanı olub, 1 600 nəfərin müalicəsi davam edir.

Qeyd edək ki, ölkədə mayın 14-dək fövqəladə vəziyyət elan olunub.