Bruklində koronavirusdan ölənlərin cəsədlərinin daşındığı TIR-lar görüntüləndi

Bruklində çəkilən görüntülər təşviş yaradıb.

Day.Az Milli.Az-a istinadən xəbər verir ki, Nyu-Yorkun Bruklin səmtində çəkilən kadrlar yenidən panikaya səbəb olub.

Bir neçə gün əvvəl Nyu-Yorkda, mərasim zalının qarşısında soyuducusu olmayan U-Haul şirkətinə məxsus yük avtomobillərinin yük yerində cəsədlərin saxlanılması və sakinlərin pis qoxuya görə narazılığı barədə məlumat vermişdik.

Bruklində buna bənzər hal yenidən baş verib. Belə ki, bu dəfə onlarla cəsədin daşındığı iri tonnajlı yük avtomobilləri görüntülənib.

Cəsədlərin gündüz vaxtı, sakinlərin gözü qarşısında daşınması narazılığa səbəb olub.

"Avtobus dayanacağının yaxınlığında, insanların gözü qarşısında cəsədlərin daşındığını görürük, bu çox dəhşətlidir", - Ralph Loschiavo adlı sakin söyləyib.

Qeyd edək ki, Ümumdünya Səhiyyə Təşkilatının bugünkü statistikasına əsasən, ABŞ-da 72271 insan koronavirus səbəbindən dünyasını dəyişib.