ABŞ ÜST-ə alternativ yaratmağı planlaşdırır

ABŞ Ümumdünya Səhiyyə Təşkilatına (ÜST) alternativ təşkilat yaratmağı planlaşdırır, belə ki, Vaşinqton düşünür ki, ÜST koronavirus pandemiyasının öhdəsindən gələ bilmədi. Day.Az xəbər verir ki, bu fikri telekanalların birində müsahibəsi zamanı ABŞ-ın dövlət katibi Mayk Pompeo səsləndirib.

Dövlət katibi əlavə edib: "Prezident qarşımızda aydın məqsəd qoydu - ÜST-ün uğursuzluğuna bir daha yol vermək olmaz".

M.Pompeonun sözlərinə görə, Vaşinqton tibb sahəsində olan beynəlxalq şirkətləri necə cəlb edəcəyini bilir, ona görə də insanların sağlamlığı üçün öz agentliyini yaratmağa hazırdır.