Tramp: Koronavirus “Perl-Harbor”dan betər oldu
ABŞ Prezidenti Donald Tramp koronavirus epidemiyasını İkinci Dünya müharibəsi dövründə "Perl-Harbor" hərbi bazasına hücumla müqayisə edib. Day.Az xəbər verir ki, bu müqayisəni amerikalı lider mətbuat konfransında jurnalistlərə müsahibəsi zamanı qeyd edib.
D.Tramp deyib: "Ölkəmizin tarixində ən dəhşətli hücumu yaşadıq... Bu, "Perl-Harbor"dan betər oldu".
Daha sonra amerikalı lider qeyd edib ki, pandemiyanı müharibə kimi qəbul edir.
Qeyd edək ki, 1941-ci ildə ABŞ-ın Perl-Harbordakı hərbi bazasına Yaponiyanın hücumu zamanı 21 hərbi gəmi, 350 təyyarə zədələnmiş, 2390 amerikalı hərbçi ölmüş, 1700-dən çox nəfər isə yaralanmışdı.
Son məlumta görə, ABŞ-da koronavirusa yoluxanların sayı 1,2 milyondan çox, ölənlərin sayı isə 71 min nəfərdən çoxdur.
Mətndə səhv var? Mətni seçin və klaviaturada Ctrl + Enter düymələrini eyni anda sıxaraq bizə məlumat verin.
