Gürcüstanda koronavirusa yoluxanların sayı 626 nəfər oldu

Son sutka ərzində Gürcüstanda aşkar edilən 3 yeni koronavirusa yoluxma faktlarından sonra burada  COVİD-19 xəstələrinin sayı artaraq 626 nəfər təşkil edib. Day.Az xəbər verir ki, bu barədə koronavirusla bağlı Gürcüstan hökuməti tərəfindən yaradılmış xüsusi rəsmi saytda qeyd edilib.

Karantində 4702, stasionar müalicədə 459 nəfər var, 297 nəfər sağalıb, 10 nəfər ölüb.

Qeyd edək ki, Gürcüstanda ilk koronavirusa yoluxma faktı fevralın 26-da qeydə alınmışdı, martın 21-də isə burada fövqəladə vəziyyət elan olunmuşdu.